القائمة الرئيسية

سندريلا الجزء السادس والاخير

الجزء السادس الاخير

وقت الحفلة

توصل غزيل مع هديل وسوير تقلطهم البندري تقريبا الساعة تسع في الليل وتسلم عليهم وتسالهم ماجبتو سندريلا معاكم

ترد غزيل والله مسخنه وتعبانه ماقدرت تجي

البندري: ايه ماتشوف شر!!

وبعد القهوة والسوالف والحش جاء وقت العشا الي كان بوفيه مفتوح وشغل عدل

عاد سوير طبت في الاكل خصوصا المقبلات زي ورق العنب والتبولة وهديل قاعدة تاكل من المكرونات

وبعد العشا جابو الدي جي ونادو البنات يجون يرقصون في الصالة عشانها واسعه وكبيره مره

> في الدور الثاني الي يطل عالصالة مشعل نايم بعد تعب السفر<<

> وفي بيت غزيل سندريلا محبوسة<<

سندريلا منسدحة من الهم الا حست بشي يلمس كتفها من ورى ارتعب من الخوف شافت فارة والتفت تاخذ الزنوبةاكرمكم الله عشان تضربها لكن الفارة راحت المخزن و توها بتجي تلحقها الا سمعت صوت طيحة اغراض ونوور وشعاع وهاج يطلع من المخزن خلاها تنسنى ذاكرتها اللحظيه وتقرب على مضض من باب المخزن الا تشوف ذيك الساحرة الي لابسة ساري هندي وتتكلم عربي مكسر

الساحرة: مافي كوف مافي كوف انا فيه كويس

سندريلا: من انت ووش تسوين هنا والله اقرا اية الكرسي اطيرك

الساحرة: انا اسم جوجو يجي عشان يساعد انتى لانو انت مسكين وتعبان ومدام غزيل خربوطه

سندريلا : طيب مالي خلقك

الساحرة: ايش كلام مافي كويس انتي يبغي يروحي حفلة حق مدام ام مشعل

سندريلا: ياريت بس شلون ماعندي ملابس ولا عندي سيارة ولا شي

الساحرة: انتي روحي الحين يتسبح بعدين انا معلوم سوي ترتيب

سندريلا: نلحق الكذاب لين بيتهم وتروح تاخذ لها شوور وتغني وسط الشور وتطلع تلبس ملابسها الرثة مرة ثانية

وتقابل الساحرة تقولها خلصت

الساحرة: تدخل يدها في مخباها وتقرا كلام وترش بودر على سندريلا وفجاة تتغير ملابس سندريلا لفستان سهرة لونه احمر عريان من الظهر مع كعب مقاس 32 مناسب لطولها وشعرها حريري كانو شعر خيل وصار وجهها جاهز من الميك اب وريحتها شرقية تجمع العود والبخور والمسك وانواع من المزيج الشرقي الرائع وتقرا الساحرة مرة ثانية وتقولها الحين في سواق بره البيت سيارته اسكاليد لموزين طويلة تطلعين له بس بشرط ماتجي الساعة 12 حكم الا انت عند الباب بيضرب البوري ثلاث مرات ان ماطلعتي بيختفي

سندريلا : ان شاء الله

وتسمع صوت البوري عند الباب تقوم الساحرة تقولها يلا

تركض سندريلا وتركب السيارة وتفتح شنطتها تطلع المراية وتشوف شكلها ومش مكذبة الخبر حاولت تصحي نفسها بقرص نفسها عدة مرات الا انها تاكدت انها بالواقع وليس بحلم وردي

توصل سندريلا بيت ام مشعل ترن الجرس تطلع لها البندري تقولها مين انت ووين بطاقة الدعوة

سندريلا ترتبك وتحاول تصرف تفتح الشنطة الصغيرة الي بيدها الا تحلص بطاقة الدعوة باسمه الشيخة الهنوف بن ناصر

تعطيها البندري تقوم البندري تتاسف منها وتقولها سموحة ماعرفتك وتدخلها وتقلطها وتحط لها عشى من راس مرفوع

كل حريم المجلس التفتو على سندريلا او الشيخة الهنوف كضيف خاص لهذه الحفلة وبعد ماتعشت راحت ترقص مع البنات في الصالة

على مزيج من الاغاني الشرقية المخلوطة بالموسيقى الغربية فجاة حست سندريلا بتعب راحت للبندري قالت لها ابي دورة المياه بسرعه قالت لها روحي فوق وكملي سيدا بتحصلي وحده بوجهك

راحت سندريلا دورة المياه في هذي الاثناء صحى مشعل من النوم بيروح يغسل وجهه وفي اثناء محاولته دخول دورة المياه صادف سندريلا بوجهة توها طالعه

ضلو دقائق يطالعو في بعض من الصدمة

 

تهرب سندريلا ويلحقها مشعل وتنزل من الدرج وفي اخر درجة تتعثر وتطيح ويجي مشعل يبي يكلمها الا يصارخو البنات ياقليل الادب روح يالي ماستستحي ووسط الحابل بالنابل توقف الموسيقى تقوم سندريلا من الدوخة وتبدا تصحصح الا تشوف الساعة 12 الا دقيقة وتحاول تركض ويلحقونها وتسمع البوري ثلاث مرات وتحاول تلحقه و تتنكسر فردة من كعبها وترميه في الشارع وتركض تتخبا بين الشوارع الضيقة ويبدا السحر يختفي حبه حبه لين وصلت البيت بمنظرها المعتاد ودخلت وعلى طول نامت

وبعد ساعتين رجعت غزيل مع بناتها البيت بعد السهرة وبرضو نامو

>وفي الصباح في بيت ام مشعل<<

بعد ماخلصو تنظيف مشعل ينادي امه: ابيها

امه : مين

مشعل : البنت الي طاحت في الحفلة والي كانت جميلة

ام مشعل بس مادري مين تقصد

تصرخ احد الخدام : مدام في جوز جزمة طايح

مشعل: اكيد للبنت الي قابلتها

البندري: ناخذ الجزمة ونقيسها على كل البنات الي جو والي مقاسه اكيد هي البنت الي شفتها

مشعل اوكي وهذا المهر جاهز بشيله معاي عشان نخطبها

البندري اوكي

ويدورون بيت بيت وينادون البنات يقايسن الجزمة

الي ماتدخل والي قصيره والي وسعيه الخ

لين وصلو بيت سندريلا

تجي غزيل تقايس رجلها اقصر من الجزمة

تقول للبندري اكيد وحده من بناتي تركب على مقاسها

تنادي سوير تعالي قايسي

رجلها دبه اعرض من الجزمة

تقول الام يمكن تحتاج تليين وتحط فازلين على رجل سوير وتدخل رجلها وتتم خمس ,اربع,ثلاث,ثانيتين, وحده

وتطير بوجه غزيل

تتحمل وتنادي بنتها الثانيه هديل تعالي قايسي

بالعرض مضبوطه لكن رجلها ماتدخل

تقول غزيل قصي اظافيرك يمكن تدخل وتبرد اظافيرها براد لكن ماتدخل

تكح سندريلا وهي تنظف ماتدري

تنتبه لها البندري وتناديه تقايس الجزمة وتطلع مقاس سندريلا

وينبهرون كلهم وتنادي البندري مشعل عشان يخطب سندريلا وتوافق و وددوها فله ام مشعل

و جابو الملاك(الي يملك بين زوجين) والعرس الخميس الجاي

النهاية

التصنيفات :قصة سندريلا

Tagged as:

MohammedN

,اعزب,احب العاب الفيديو, احب التدوين,خريج محاسبة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: