القائمة الرئيسية

سندريلا الجزء الخامس

الجزء الخامس

يوم الحفلة

>في المطار<<

ام مشعل تقول لبنتها تاخرت طيارة اخوك لها اربع ساعات ماوصلت

البندري عادي يمه يمكن الترانزيت تاخرت الطيارة

ام مشعل دقي على اخوك شوفي وينه فيه

البندري تتصل وتقول جواله مغلق

الساعة 6 الصبح ينادي المذيع الداخلي للمطار <

طين طون

تعلن الخطوط العربية السعودية عن موعد وصول رحلتها كذا وكذا القادمة من مطار فيرجينا والمتوجهة للرياض

على المسافرين التوجه الى صالة الوصول رقم 6 واخذ شناطهم من الشحن

طين طون

يقبل مشعل من بعيد اخته تصارخ واااااااو omg مشعل اخوي وصل شخبارك شعلومك شلونك وش مسويه وتضمه وتقول والله وصرت تكشخ يقول لها صبري خليني اسلم على امي ويروح يحب راس امه وتقوله شفيك تاخرت قال لها صارت عاصفة ثلجيه واستنينها تخف واول ماخفت اقلعت الطيارة

وبعد السوال عن الحال والاحوال والمباركة بالتخرج

راحو لسيارة المرسيدس الي كانت تستناهم وجلسو يسولفون ونطت البندري سالت مشعل ها شفت الشقر والحمر مافكرت تزوج من هناك رد عليها لا والله مايعجبوني مالي الا ام شلحة قعدو يضحكون ردت الام قالت لو ام شلحة مش جميلة ماشفت سكان المملكة 30 مليون المهم اليوم مسويين مفاجاة لك وبندور لك عروس توسع صدرك

مشعل والله؟ الام ايه بس انت اختار واحنا جاهزين

مشعل:والله مافي بالي احد انتو اختارو لي وانا اشوف

الام :تم

> وفي بيت سندريلا<<

في وقت الضحى تصحى غزيل وبناتها يترتبون ويتجهزون وصوت الاستشوار صاخب كانه صوت موسيقى الروك وبنات غزيل ما تم مكياج ماحطوه تقريبا 7طبقات الا شوي ولبسو فساتينهم وتعطرو وتكشخو وجلسو يستنون المساء يجي عشان يروحو الحفلة بينما سندريلا في الناحية الثانية جالسة تنظف بهمها وغمها لين جا وقت العشا تناديها غزيل

“سمعي احنا بنروح الحين ياويلك نشوف شي مخترب ومعفوس ولا مواعين مقطوطه وان جينا لقيناك صاحية ياويلك ماتجي الساعة 12 الا نايمة”

سندريلا: ان شاء الله

ويرن الجرس السواق يقولهم يلا نحرك جاهزين ؟

يطلعون غزيل وهديل وسوير و قبل مايركبون تتهاوش هديل وسوير من يركب جنب النافذه حقت السيارة

الام تقرصهم وتقولهم ياويلكم تفشلونا وبعدها راحو بيت ام مشعل

>وفي بيت ام مشعل في نفس التوقيت<<

بدا الضيوف ينكبون على بيت ام مشعل وتقلطهم في مجلس الحريم –نسيت اقولكم كيف شكل بيت ام مشعل بيت كبير فيه كراجين للسيارات وفيه حديقة صغيرة زارعين نخل و ياسمين والمدخل الرئيسي يدخلك على مجلس الرجال ومن الجنب مجلس الحريم الي قريب من الصالة الكبيرة الي يشقها درج مفروش وانوار كانها الشمس بين النجوم- نرجع لام مشعل تهمس باذن بنتها يلا جهزي الشاي والقهوة وصبي للمعازيم ووزعي الحلا والمالح

>يتبع<<

التصنيفات :قصة

Tagged as:

MohammedN

,اعزب,احب العاب الفيديو, احب التدوين,خريج محاسبة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: